Because it’s Mother’s Day (Tungod kay Adlaw sa atong mga palangang Inahan)

Unsa man deay nang “Mother’s Day”? Sa tinud-anay lang wala jud ko kalibutan unsa ni sauna. Para ra man gud daw ni sa mga naay kwarta. Pero ang “Mother’s Day” deay kay usa ni sa mga selebrasyon nga nagpa higayon nga atong ma dayig og mapasalamatan atong mga inahan nga maoy nag pagawas nato diri aning kalibutana. (oh di ba, bibinsaya jud ning ga paka-paka? haha)

Og tungod kay adlaw na sad aron atong pahalipayan atong mga inahan, nagkalingaw ko og bansay-bansay sa akong bisayang pinulungan.

Kung wala tay kwarta para palit og bulak, basin atong regalo kay pwede ra madala sa pasalamat pinaagi sa balak?

Ania, basaha

Malipayong Adlaw sa Mga Inahan Tang Gamhanan

“Atong kinabuhi wala nagtangag og tamdanan. Pero matag usa kanato, anaa tay inahan.”

Tinahud namong mga inahan,
Karong adlaw sa mga gamhanan,
Kamo among angay pasigarbohan og among pasalamatan

Tungod kaninyo, nahimugso og baskog kaming naga tikaw-tikaw ning kalibutan
Sa inyong pagtukaw, pag amuma og pagsakrapisyo, kami nahitsura og nahimong tawo.

Inyong walay hunong nga pagyawyaw pahimangno, kaning tanan, nasayud kami para ra sa among kaayuhan.
Inyung walay hunong nga kabalaka og panghingawa, tungod lamang sa inyong walay sukod nga gugma.
Tungod sa inyong pag amping og pag-agak, kami inyong mga anak wala gayud intawon sa kadaot nasugamak

Sa panahon nga kami wala nay laing daganan, naa ra gyud mo pirmi sa among kiliran

Naa may panahon nga kita dili magasinabtanay, pero kamo wala jud ni biya og naa ra kanunay
Sa matag karon og unya, bisag unsa pa man, kamo among mga inahan ra jud among pirming unang madaganan.

Sa inyong walay sukod nga gugma, kami sa matag takna, mapasalamtaon og dapat nagsige unta og pakabana. Busa kining adlw sa inyong pagkagamhanan, kamo among gipasalamatan.

Daghang salamat among mga gamhanang inahan!

—marymancee